روايه ليه يازمن الفصل الخامس بقلم نسرين بلعجيلي
روايه ليه يازمن الفصل الخامس بقلم نسرين بلعجيلي روايه ليه يازمن بقلم نسرين بلعجيلي روايه ليه يازمن الفصل الخامس روايه ليه يازمن الفصل الخامس بقلم Nisrine Bellaajili الفصل 5 زهرة اتحسنت بعد مكالمة علي، وطول الأسبوع كان بيكلمها لحد ما قررت ترجع الشغل. علي طلب منها يقابلها بس مش على الكورنيش. قالها على مكان وهو يجي ياخذها بالعربية. لبست فستان طويل أزرق وعليه شال غطت بيه شعرها الي كان مفرود على ظهرها. حاولت تزبط نفسها، وحطت البرفان الي جابه ليها علي وكانت مخبياه في الدولاب وسط هدومها وطلعت. كانت وداد قاعده تتفرج على مسلسل تركي. وداد: متشيكة ورائحه فين ؟ زهره : صاحبتي الي شغاله معايا عزمتني نطلع نتمشى شوية على الكورنيش اشم هواء شوية قبل ما بكره ارجع الشغل. وداد : استني اغير واجي معاك. زهره : تيجي معايا فين؟؟ واداد : الله مش بتقولي طالعه تتفسحي؟ خوذيني معاك انا زهقانه. زهره : اتصلي بخطيبك قوليله وانا مستنياك. زهره قالت جملتها وهي عارفة ان وداد مش حاتقدر تتصل بيه لانه بيتحكم فيها، ومش حيخليها تطلع. وداد : ما انا مش حاقوله انت عارفه إنه منعني اطلع. زهره : لا يا وداد احنا مش ناقصين قرفه