لانك ليلتي الفصل التاسع الكاتبه سوميه عامر
البارت التاسع
#لانها_انتِ
الكاتبه سوميه عامر
المجد للقصص والحكايات
صحيت ليلى من النوم فتحت عينيها براحه لقيت زين جنبها بيبصلها
ليلى بكسوف : بس يا زين متبصليش كده
زين بهمس في ودنها: كنتي جميلة اوي امبارح ما تيجي نعيد اليوم تاني
خبت وشها في المخده : بس بقى
ضحك و باسها و راح شايلها راح بيها عالمطبخ : يلا اعملك فطار
ليلى : احم طيب نزلني
زين : لا بوسه الاول
باسته في خده : حبيبي هو انت مش هينفع تأكل زيي
زين : انا ممكن اكلك انتي
ليلى بدلع : ههون عليك
زين : اه عادي اصلك هتكوني جوا قلبي
ليلى : قصدك جوا معدتك ها 🙄
حضنها و باسها : انتي ملكيش مكان غير هنا ( بيشاور على قلبه ) انتي طفلتي قبل ما تكوني حبيبتي و مراتي
ليلى : طب ممكن اسال سؤال !؟
انت ليه مش بتسمع الافكار زي سوزان
قرب زين من ودنها : بسمع حتى تحبي اقولك كنتي بتفكري في ايه امبارح
ضربته على صدرة و اتكسفت وخدودها بقت زي الطماطم
ضحك و خدها في حضنه : بعد ما السحر اتفك بقيت اسمع بس ده مش معناه انك تتحرجي د انتي روحي و حياتي و اجمل ليلى في الكون
في فيلا احمد
احمد : سلوى انا مبقتش اشم ريحتها ( مبتشمش يبقى اكيد عندك كورونا يعسل متقرفناش بقى ) ....لا لا اكيد محصلش بينهم حاجه
سلوى : أحمد اعتقد كفايه كده تعالى نمشي من هنا زين كان هيموتني امبارح و ممكن حصل بينهم حاجه انت كده هتخسر كل حاجه و هيموتك
احمد : مش انا اللي أموت هتشوفي هعمل ايه
اتصل على حد و اتفق أنهم يتقابلوا في مكان مهجور
بعد ساعة كان احمد و سلوى في المكان و راجل عجوز كفيف ماسك عصايه و روب طويل قاعد مستنيهم
الراجل : من غير ما تتكلم انا عارف انت عايز ايه بس عشان تعرف اللي انت عايز تعمله ده لازم تضحيه منك
احمد : تضحيه عبارة عن ايه
الراجل : تضحيه بحاجه غاليه عندك اغلى ما تملك لانه مش اي حد ده زين اللي حاليا قوته ضعف أضعاف قوتك صعب الوصول ل تفكيره زي المره الاولى كده لما جيت لي عشان تخسره قوته انت ضحيت فاكر ولا افكرك
( فضل احمد يفتكر لما مسك بنته قتلها مقابل أنه يكون الاقوى و كانت اعز ما يملك )
احمد : فاكر ..وانا جاهز للتضحيه التانيه بص ل سلوى اللي كانت مرعوبه من كلامهم حاولت تهرب بس هو كان أقوى منها مسكها : انتي اغلى ما املك وعد مني مش هحب بعدك
سلوى : احمد ارجوك سيبني امشي انا معملتش حاجه دايما معاك في كل أفكارك
الراجل بدأ يقرأ في تعاويذ و سلوى بتعيط
الراجل شاور ل احمد يخلص
قتلها بدم بارد كان قسوه انتقامه اقوى بكتير من حبه ليها
في الشاليه
كانت ليلى بتعمل فطار ليها و زين خرج يصطاد حيوان يتغذى عليه بس الغريب أنه بدأ يحس ب شعور غريب أنه عايز يقتل ليلى حاجه بتشده ناحيه الشاليه وهو كل شويه يصرخ و يمنع نفسه لقى عربيه ضخمه فيها كلاب معديه وقفها و قتل صاحبها بيحاول أنه يرغم نفسه على كبت شعورة أنه يقتلها بس الشعور موجود و الرغبه قويه
فتح للكلاب و دخل قفل على نفسه و فضل يرزع في العربيه و يصرخ جامد : لا مش هقتلها
في الفندق عند كامي
اتصلت على زياد اللي تعبت على ما وصلتله
الو ..زياد انا والده ليلى انا موافقة على جوازها من زين بس خدني عندها
زياد : انا مش عارف ...زين مقاليش اقول
كامي : خلي سوزان تقرا أفكاري تتأكد من كلامي انا عايزة اقول لبنتي حاجه قبل ما اسافر
زياد بص ل سوزان اللي عن طريق التليفون فعلا قرأت أفكارها و كان كلامها صح
اتقابل زياد و اسيل و كامي و سوزان و سيف و ركبوا العربيه متجهين للشاليه
كان الوقت اتاخر و الشمس بدأت تغيب و ليلى قلقانة على زين اللي مرجعش خافت احمد يكون عمله حاجه لبست لبسها و خرجت تدور عليه
وهي بتنادي سمعت صوت في العربيه بتاعت الكلاب : امشيييي متقربيش ..ليلى ابعدي
كان سامع أفكارها و اخترق افكارها عشان تبعد
جريت ليلى عالعربيه : زين ...زين انت جوا انا هفتحلك يا حبيبي
زين بصريخ : اهربي يا ليلى امشي من هنا امشي متفتحيش الباب ده اهرررربي
مسمعتش كلامه و قعدت تفتح في الباب و اخيرا اتفتح
كان في هدوء رهيب
ليلى : زين ..ز....
مكملتش كلمتها كان لف وشه ليها اللي كان كله عروق حمره و زرقه و عينه الحمرا
زين بضعف وسط نظراته اللي بتاكلها : انا اسف
برقت ليلى و حاولت تقفل الباب معرفتش سابته و جريت وهي مرعوبه
حاول هو يمسك نفسه و دموعه بتنزل من وجع قلبه بس في الاخير السحر أتمكن منه اللي المفروض عضه واحده منه هتموتها مش هتحولها وخرج وراها
جريت ليلى لحد الشاليه و قفلت الباب وهي بتعيط و خايفة
دخل زين
ليلى وهي بتترعش : زين اهدا ارجوك ......
اسفة اني منزلتش امبارح والدتي كانت تعبانة والبارت ده مش الاخير لأن الأحداث كتير مش هينفع في بارت واحد العاشر هو الاخير و هينزل انهاردة برضوا هحاول اكتبه كله البنات اللي مستنين مُر قلبي بعتذر برضوا و هنزلها بارتين بكره من الجزء التاني
#لانها_انتِ
#SomayaAmer
تعليقات
إرسال تعليق