رواية قرار صعب الفصل الثالث الكاتبة هويدا زغلول
روايه قرار صعب
الفصل الثالث
بقلم هويدا زغلول
سامح :انتي مجنونه
ميار :انت اي كميه شر ماشيه عالارض
محمود:عارف هدفعك التمن اللي عملتي
ده غالي اوي
حاتم:اطلعي فوق
ميار :اسمع أن فاكر أن بابا هيوافق
علي كل اللي بتعمله ده تبقي عبيط
حاتم :قولتك اطلعي فوق
سامح :ممكن تهدي يا بابا شويه
محمود :كانت عايزه تموتني
سامح :هو في أي
حاتم :اسمع يا محمود انا موافق
انك تقعد معانا هنا ولا بنتي تتجوز ابنك
محمود :ده قرار نهائي
حاتم :ايوه قرار نهائي
محمود :ماشي اللي تشوفه
اسامه :عايزك يا حاتم
حاتم :وانا مش عايز اتكلم معاه حد
اسامه :تعالي بس نتكلم جوا
ودخلوا المكتب
حاتم :خير في أي
اسامه :لازم محمود يكون معانا
حاتم :انا مش عايز اكمل
اسامه :مينفعش الحاجه خالص طلعت
حاتم :وانت مش شايف هو عامل ازاي
اسامه :انت عارف احنا هنكون اي
بعد ما الحاجه دي تخرج برا مصر
حاتم :كان يوم اسود يوم ما قولت
نعرف محمود بشغلنا
اسامه :الموضوع المره دي كبير
علينا كده ولازم يكون معانا
حاتم :انا مش عارف افكر
اسامه :اهدي كده موت امنا ماثر فيك
انا عارف معلش
حاتم :مكنتش اتخيل أنه هو يعمل
كده واحنا نسكت
اسامه :اهدي بس كده واحنا هنحل كل
حاجه
حاتم :انا حاسس ان كل اللي احنا فيه
بسبب أننا غدرنا ب شرف
اسامه :ده حرامي وكان لازم يموت
حاتم :حاسس ان كلنا هنموت
وفي الجنينه كانت وافقه ميار
ميار :جلال انا بحبك وعندي استعداد
اهرب ونتجوز
جلال :انا خلاص هتجوز
ميار :انت بتقول كده علشان اللي عملته
معاك صح أما غلطانه
جلال :لا والله بجد انا لقيت الانسانه
الكويسه اللي ممكن تشيل اسمي
وتحبني وخلال هنتجوز
ميار :انت ليه بتعمل معايا كده
جلال :انسيني يا ميار
ميار:في ستين داهيه وبصت وراها
لقت سامح
سامح :انتي كويسه
ميار :انت واقف كده ليه
سامح :سمعت صوتك عالي قولت
اجي اطمن عليكي
ميار :شكرا فيك الخير
سامح :عالفكره انا مش عايز اتجوزك
برضه بس انا كنت جاي هنا زياره
ميار :والله طيب شكرا
سامح :انا بجد مش عايزك تكرهني
ميار : انا ولا عايزه اكرهك ولا احبك
سامح :خلاص ممكن نكون اخوات
ميار :والله سهل كده بعد ما حب عمري
راح من ايدي بسببك
سامح :انا لو اقدر اساعدك عنيا
ميار :شكرا وطلعت اوضتها
وفي مكتب محمود رن عليه جلال
جلال :ايوه يا استاذ محمود
محمود :خير
جلال :كله تمام ميار اتصلت وقولت
زي ما حضرتك قولت بالظبط
محمود :عايز اشوفك بعد ساعه
في المكان اللي هبعته ليك
جلال :تمام حاضر
محمود :سلام وباب المكتب انفتح
اسامه :فاضي نتكلم شويه
محم د. ورايا مشوار بس خير
اسامه :اهدي شويه علي حاتم
محمود :والله طيب عايز حاجه تاني
اسامه :انت لسه بتتعامل معانا كده
محمود :لان انتو اغبيه
اسامه :حاتم هيعمل كل اللي انتي عايزو
محمود :انا بفكر في مصلحتكم
اسامه :بس الكلام يكون براحه مش أمر
محمود :لازم يكون أمر لما القي كل واحد
عايز يمشي اللي في دماغه
اسامه :طيب نتكلم بس
محمود :انا عندي مشوار مهم بعدين نتكلم
اسامه :حاضر وفعلا مشي وراح قابل
جلال في كافيه
محمود :ازيك يا جلال
جلال :الحمد لله
محمود:حبيتك لانك بتسمع الكلام
جلال :يا باشا انا تحت امرك
محمود :وعايز منك خدمه
جلال :انا تحت امرك
محمود :المستشفي بتاعت ميار
جلال :مالها
محمود :عايز يحصل فيها سرقه أعضاء
جلال :ده ازاي يعني
محمود :يعني حد يدخل يعمل عمليه
الزائده يخرج من خير الكلي
جلال :بس هي ممكن تروح في داهيه
محمود :انت هتخاف علي بنت اخويا
اكتر مني
يتبع
تعليقات
إرسال تعليق