حوار صحفي مع الكاتبة الاء محمد ( لولو محمد )
حوار صحفى مع الكاتبة الاء محمد
حوار صحفي مع الكاتبة الاء محمد ( لولو محمد )
( لولو محمد ) الحاصلة على المركز الثاني في مسابقه افضل كاتبه لشهر ابريل في جروب المجد للقصص والروايات
كتبت آيه نور
س/حدثينا عن سيرتك الذاتية ؟
اسمى الاء محمد بس لولو الأقرب لقلبي عشان كدا اخترته اسمى انا مهندسه و أثناء دراستى للماجستير مسكت ادمن فى صفحه يوميات زوجه طالع عينها فقررت انى ابدا انزل قصص تحت اسم مستعار لولو سنه ٢٠١٤ و القصص دى الحمد لله سمعت فعملت اكونت بالاسم و جروب و بدات القصص تنتشر على الميديا
.
س/متي اكتشفتي قدراتك الإبداعية في الكتابة وكيف كان ذلك ؟
من تالته اعدادى كنت بس ما كنتش بكتب كانت قصص شفهيه بحكيها لأصدقائي و لما دخلت الجامعه كنت بنشر على مدونه الدفعه بس للاسف كل الإعمال دى ضاعت و ما قدرتش احتفظ غير باللى اتنشروا على الفايس بوك
.
س/حديثنا عن عملك وماذا يعني لكِ؟
روايه مفيش رحمه ( جزئين)
رواية دموع الفرحه
روايه كشف حساب
روايه لعنه الخلود
روايه فارس العشق
رواية سكه السلامه
رواية السكه شمال ( جزئين )
روايه البر التانى ... الجزء التانى منها اسمه ... الكبيره ( جزئين )
رواية العفه تقتل احيانا
رواية بكابوزه
رواية دخان
روايه لحظه ضعف
روايه احذر مما تتمنى
رواية نسيت زوجتى
رواية سلف و دين ( جزئين)
روايه ته مربوطه
رواية يا لها من حياه
روايه مزاد مش علنى
رواية على الرف
رواية شفيقه و تيمور
و غيرهم
س/ من هو الكاتب الذي تأثرتي به ؟
للاسف ما كانش عندى ملكه القرايه دا غير ضيق الوقت
.
س/ماذا تعني لكِ الكتابة ؟
هوايه مهمه جدا ما بقدرش استغنى عنها
.
س/من الذي دعمك وشجعك لتصلي إلي ماأنتِ عليه الآن ؟
صديقاتي خصوصا عائشه السيد اللى دعمتني و تبنت نشر قصصي فى بداياتى خالص
.
س/ هل يحدث لكِ مايطلقون عليه بلوك الكتابة وكيف تتخلصين من هذا الشعور ؟
بقاومه خصوصا انى ملتزمه مع القارئات بمواعيد نشر
.
س/ ما الدافع الذي يشجعك علي الكتابة ؟ ومالذي يلهم قلمك
الكتابه بتخرج الطاقه السلبيه اللى جوايا و بتخلينى ابحث و اتعلم فى موضوعات كتير جديده و اكتسب خبره اكبر و بستفيد منها كتير و الأفكار بتيجي من المجتمع و الواقع اللى حوالينا مليان افكار و مواضيع محتاجين نناقشها خارج إطار القصص المستهلكه
.
س/أود أن أري بعض من كتاباتك ؟
تقدرى تلاقيها على الواتباد او على جروبى على الفايس بوك اسمه .. قصص و حكايات بنات طالع عينها
.
س/ حدثينا عن الصعوبات الاى تواجهك اثناء الكتابة؟
يمكن فى الاول كان تحدى مش صعوبه انك تثبتى نفسك بنوع قصص مختلف عن المعروض و تفرضي نفسك على ساحه بتناقش نوع محدد من القصص له شعبيه كبيره وسط المراهقات
.
س/ مانوع الدعم الذي يحتاجه الكاتب في الوقت الراهن ؟
بيحتاج دعم من مكتشفي المواهب بسبب انتشار المستغلين من دور النشر المزيفه او المواقع اللى بتستغل تعب الكتاب و تسرق مجهودكم بوعود كدابه
.
س/هل تمتلكين مواهب أخري ؟
لا الكتابه هى اكتر حاجه بحب امارسها و بديها شغفى كله
.
س/ هل حصلتى على جوائز من قبل؟
حصلت على تكريمات فى مؤتمرات عالميه خاصه بمجال الهندسه .. و دخلت فى اكتر من مسابقه و احتفاليه فى جروبات الفايس الخاصه بالكتابه و كسبت فيها الحمد لله
.
س/ كلمتك الأخيرة للحوار؟
كلمتى لكل الكاتبات انهم يتقوا ربنا فى قلمهم و ان كل كلمه بتتكتب يا هتكون حسنه جاريه يا سيئه جاريه فلازم ننقى قصصنا بغض النظر عن الترند او ما يطلبه القراء
و رسالتى للقراء ان فى افكار جديده بعيد عن نفس القصه المستهلكه و ان فى طبقات مجتمعيه كتير بعيد عن البطل الغنى إمبراطور الكوكب و البنت الفقيره اللى بيستغلها و يعذبها و فى الاخر تطلع مهزئه و تحبه
و اكيد فى الاخر بشكر الجروب الجميل انه سمحلى بالمشاركه فى المسابقه و شكرا ليكي على الحوار الجميل و شكرا لكل اللى دعمنى و صوتلى
تعليقات
إرسال تعليق